Kuvendi i Shqipërisë do të rinisë punimet më datë 2 shtator, pas më shumë se dy muajsh pushime.
Lajmi është bërë i ditur nga faqja zyrtare e Kuvendit, ku është postuar edhe rendi i ditës për seancën parlamentare që do të nisë në orën 18.00.
“Bazuar në nenin 74, pika 1 të Kushtetutës, në nenin 42, pika 1 të Rregullores së Ruvendit dhe në Urdhrin nr. 26, datë 29.8.2019 të Kryetarit të Kuvendit z. Gramoz Ruçi, të hënën e parë të shtatorit, më datë 2.9.2019, në orën 18.00 do të fillojnë në seancë plenare punimet e Kuvendit në sesionin e V-të. Rendi i ditës së seancës plenare është i publikuar në faqen zyrtare të Kuvendit”-thuhet ne njoftimin e Kuvendit.
Kujojme se Kuvendi i mbylli punimet ne 18 korrik, me seancen e fundit te mbajtur ne oren 10:00.
