Manjani shpërthen kundër Etilda Gjonajt: Ç’është ky justifikim i shpifur

Ish-ministri i Drejtësisë, Ylli Manjani ka shpërthyer në deklarata kundër pasardhëses së tij në këtë ministri Etilda Gjonaj, në lidhje me skandalin e 700 euro nata në hotel.

Përmes një postimi në facebook, Manjani e cilëson një justifikim të shpifur, faktin që Gjonaj tha se ishte femër dhe nëne dhe se për këtë gjë sulmohej.

Për Manjanin kjo gjë është e papranueshme, pasi me këtë llogjike nuk duhet të kishim gra që kryejnë krime nëpër burgje.

Postimi i plotë:

“Shumë i shpifur ky justifikimi që “është një femër, një grua, një nënë”… Dmth, një femër, nënë e grua duhet të bëjë çtë dojë me detyrën publike?! Sa nëna e gra shqetëson sjellja e keqe e një gruaje në pushtet?! Apo punë e madhe, varja atyre. Pastaj, po të jetë kështu, po burgu i grave përse është?!  Femra, nëna e gra janë edhe ato. Ç’llogjikë!”,