Bie pema në qendër të Shkodrës, dëmtohen makinat, qytetarët në rrezik (VIDEO)

Një pemë e madhe është rrëzuar në qendër të qytetit të Shkodrës mesditën e sotme, duke zënë poshtë disa makina.

Pema ka rënë mbi një furgon pasagjerësh dhe disa mjete të tjera të parkuar anash rrugës.

Mësohet se nga rrëzimi i pemës nuk ka njerëz të lënduar.

Ngjarja ka ndodhur në lagjen “Rus” të Shkodrës, afër shkollës 9-vjeçare “Skënderbeg”, ndërsa pritet që policia dhe grupet e pastrimit të shkojnë aty për të pastruar rrugën nga degët e shumta, që kanë bllokuar thuajse gjithë kalimin e makinave.