LIGJET E BIZNESIT
Kryeministri Edi Rama ka dhënë një mesazh të fortë, sa i përket shfrytëzimit të malit të Tomorrit nga kompani private për të nxjerr gurë zbukurues. Teksa u uron Ditën e Pelegrinëve besimtarët bektashinj, shefi i kabinetit qeveritar është shprehur “se Mali i Mrekullueshëm do t’i zmbrapsë barbarët e pangopur”.
“MIRËMËNGJES dhe këtë Ditë të Pelegrinëve, me këto pamje magjike nga Mali i Tomorrit, që është kthyer në sheshbetejën mes interesit kombëtar të mbrojtjes së tij nga shfrytëzimi i guroreve dhe gjykatësve të korruptuar, të cilët u japin të drejtë shfrytëzuesve për interesa të pista, i bindur që Mali i Mrekullueshëm do t’i zmbrapsë barbarët e pangopur, ju uroj një ditë të mbarë”, shkruan Rama.
Kujtojmë që qeveria me anë të një VKM-je synonte të shpallte Malin e Tomorrit në një Park Kombëtar, por Gjykata Administrative e hodhi poshtë. Kjo ka sjellë edhe disa protesta nga ana e banorëve dhe firmosjen e një peticioni nga qytetarët, që janë kundër shfrytëzimit të Malit të Tomorrit nga guroret. Ministri Blendi Klosi ka deklaruar se vendimin e Administratives do ta apelojnë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
