Detaje të reja kanë dalë në dritë lidhur me të shtënat me armë në qytetin e Shkodrës. Mësohet se nuk kemi të bëjmë me një atentat, por me një vetëplagosje.
70 vjecari, i identitifikuar se Palok Dodaj ka qenë duke pastruar armën në banesë dhe në atë moment arma është shkrepur pa dashje duke e plagosur. Ai ka marrë plagë në brinjë dhe është transportuar me urgjencë në spitalin e Shkodrës. Megjithatë ky rast, nxjerr në pah një tjetër problematikë, armëmbajtjen pa leje.
“Më datë 21.08.2019, rreth orës 13.10, në oborrin e banesës dyshohet se është vetëplagosur me armë zjarri shtetasi P.D., rreth 70 vjeç, i cili është transportuar në Spitalin Rajonal Shkodër dhe ndodhet jashtë rrezikut për jetën. Në vendngjarje, grupi hetimor ka gjetur dhe sekuestruar në cilësinë e provës materiale armën e zjarrit, me të cilën dyshohet se është vetëplagosur shteasi P.D. dhe vijon punën nën drejtimin e Prokurorit për sqarimin e plotë të rrethaneve të ngjarjes”, njofton policia.
