Ambasadori i Suedisë në vendin tonë, Johann Ndisi ka përfunduar detyrën e tij. Ai është pritur në një takim lamtumire nga kreu i shtetit, Ilir Meta, i cili vuri theksin në marrëdhënien e mirë të dy vendeve.
Meta falenderoi qëndrimin mbështetës të Suedisë për proceset e integrimit europian të Shqipërisë dhe Ballkanit Perëndimor në tërësi, si dhe për asistencën zhvillimore për forcimin e kapaciteteve administrative, zhvillimin ekonomik, qeverisjen e mirë, shtetin e së drejtës dhe të drejtat e njeriut, si edhe mjedisin dhe klimën.
Investimet suedeze janë të mirëprituara, vlerësoi Presidenti Meta, edhe në fushën e shfrytëzimit të energjisë së rinovueshme dhe për zhvillimin e turizmit.
