Dy persona kanë humbur jetën si pasojë e një aksidenti tragjik në qytetin e Lushnjes.
Ngjarja ka ndodhur në orët e para të mëngjesit të sotëm, 02:20, në aksin rrugor Fier-Lushnje, në fshatin Savër. Sic njoftojnë uniformat blu, dy automjete janë përplasur me njëra tjetrën, ku ka humbur jetën drejtuesi i mjetit i identifikuar me inicialet I.T 64-vjec dhe pasagjerja në këtë automjet, identiteti i së cilës nuk dihet ende.
Drejtuesi i makinës tjetër, E.GJ është shoqëruar në polici. Grupi hetimor ka nisur hetimet për zbardhjen e shkaqeve të aksidentit.
