Megan Leahy – Pyetje: Djali im është në moshën dy vjeçare dhe unë përpiqem që të respektoj udhëzimet e psikologëve për të bindur atë mbi veprimet që duhet të kryejë. Sa herë që mundohet t’i bëj gjërat si duhet dhe ta edukoj në mënyrën e duhur, përfundojmë duke krijuar një zënkë shumë të madhe, kudo që jemi.
Ai nuk bindet të hajë ushqimin e tij, të shkojë në tualet kur i ka duar papastra dhe t’i lidh rripin e sigurimit kur do të udhëtojmë për diku. Përpara disa ditësh, duhet të shkonim shpejt në parkun e lojërave dhe humbëm pjesën më të madhe të kohës, duke e bindur se duhet të lidhte rripin e sigurimit në makinë.
Ndonjëherë e vemja gjë që më ndihmon është ta ndëshkoj djalin time duke i thënën se “nëse nuk e bën këtë gjë, nuk do mund të marrësh atë që do”, por përsëri ndjehem keq. Nuk po arrij dot ta bind që nuk është gjë e mirë, që ai nuk interesohet nëse jemi vonë për diku, apo nëse nuk do të hamë darkë vetëm sepse unë dhe bashkëshorti im këshillojmë gjatë gjithë kohës atë. Ndonjë këshillë ju lutem?
Përgjigje: Ndërsa lexoj letrën për djalin tuaj, jam e detyruar të mendoj edhe për ndonjë sjellje tjetër që nuk gjendet në shkrimin tuaj. Nga ajo që shkruani, duket se i keni provuar të gjitha mënyrat për ta bindur fëmijën tuaj, por asnjë nuk ka funksionuar. Unë jam një adhuruesi i madh i edukimit të fëmijëve në mënyrën e duhur dhe ju sugjeroj të vazhdoni gjithë kohës kështu, por ju keni ecur në një rrugë të vështirë dhe as teknikat tuaja nuk do të funksionojnë.
Një fëmijë dy vjeçar normalisht që nuk është i interesuar për mendimin tuaj “si do tw bwhet ai kur tw rritet”. Kështu që ju duhet të zhvendosni mendimet tuaja nga “ pse nuk funksionon menjëherë kjo gjë” në mendimin “unë po hedh themelet që këto teknika të disiplinës të funksionojnë më vonë”.
Ashtu siç po e shihni, rritja e një fëmije 2 vjeç është gjithçka themelore. Grindja e përditshme për ta mbajtur atë të sigurt, do të bëjë që ky djalë i vogël kur të rritet të kryejë çdo gjë që do ta këshilloni me lehtësi. Gjithçka është si të mbjellësh një bimë, ju do të siguroheni që ka çdo shërbim që i duhet, si ujë dritë, ushqim, por natyra ka kohën e saj. Dalë ngadalë, kjo bimë e vogël do të kthehet në një lis madhështor. Siç thotë edhe psikologu i zhvillimit Gordon Neufeld, “rritja është spontane”, por nuk është e parashikueshme. Vetëm se djali juaj nuk ju bindet tani, nuk do të thotë se ai nuk do të bindet edhe në të ardhmen. E gjithë kjo punë e vështirë do e ndihmojë djalin tuaj të rritet.
A do të ndryshojë menjëherë sjellje, unë nuk mund ta them me siguri, por nëse ju do të vazhdoni të silleni në këtë mënyrë dhe do të jeni të vendosur për edukimin e fëmijës tuaj, do të shihni ndryshime për sjelljen e tij që vitin e ardhshëm dhe nëse ecën kështu gjatë gjithë kohës, pa e kuptuar në moshën 7 vjeç do ta shihni atë që është rritur, ashtu si dëshironi ju.
Mendoni gjatë gjithë kohës si ta edukoni dhe jo të gjeni mënyra se si do ta ndëshkoni, pasi do të marrë më shumë kohë për ta rritur, kështu që rezistojini përdorimit të masave ndëshkuese.
Të gjithë e dimë që fëmijët zakonisht pëlqejnë të luajnë, kështu që krijoni lojëra të ndryshme argëtuese, e do të keni më të thjesht të kryeni një aktivitet. Gjithashtu edhe një këshillë për ju. Rritja e një fëmijë mund të jetë emocionalisht dhe fizikisht shumë rraskapitëse, kështu shpesh herë përpiquni të gjeni disa hapësira të vogla për t’u shkëputur nga prindërimi, për të rikthyer energjinë tuaj.
Frekuentoni grupe prindërish, ku mund të shprehni çfarë ju shqetëson dhe të merrni këshilla. Paç Fat.
*Meghan punon prej kohësh, si trajnere e certifikuar për sjelljen e prindërve me fëmijët dhe është nëna e tre vajzave./The Washington Post – Gazeta Si/
