Prej disa ditësh restoranti “Panorma” në pronësi të Mihal Kokëdhimës, është bllokuar nga policia.
Nga kjo situatë turistët detyrohen të largohen ose të gjejnë ndonjë vend në plazhet publike, ku lejohen të qëndrojnë.
Familjarët e Mihal Kokëdhimës që ndodhen në mjediset e restorantit, nuk pranojnë në asnjë mënyrë të japin versionin e tyre për ngjarjen.
Dhe jo vetëm kaq por ata këmëngulin që të pranishmit që kanë interes të largohen prej aty duke thënë: “ Është prona jonë, drejtësia do gjejë të vërtetën”, shkruan Panorama.
Për disa turistë që vazhdojnë të vizitojnë plazhet e jugut të Shqipërisë, incidenti është një rast i veçuar që nuk përfaqëson të gjithë zonën dhe aq më pak të gjithë banorët. Madje, ata shprehen të pakënaqur me shërbimin dhe etikën e bizneseve në Porto Palermo.
Kujtojme se ditë më parë në Porto Palermo të Himarës, pronari i restorantit “Panorma” Mihal Kokëdhima, pas një konflikti me disa turistë spanjollë i ka ndjekur ata deri te furgoni, pasi pretendoi se ata nuk kishin paguar dhe u është hedhur mbi kofano.
Ai ka qëndruar aty i varur për 3 kilometra, duke rrezikuar kështu jetën e vet dhe të pasagjerve brenda në automjet.
Kokëdhima ka thyer dhe xhamin duke u gjakosur në momentin që mbahej në kofano dhe ka qëndruar ashtu për më shumë se gjashtë minuta.
Biznesmeni vijon të qëndrojë i arrestuar pasi Gjykata ka lëshuar masën e sigurisë “Arrest me burg”.
