Me pushime në Shqipëri, zhduken pa asnjë gjurmë në alpe dy vajzat turiste (FOTOT)

Dy turiste të huaja kanë humbur në alpet shqiptare teksa ndodheshin për pushime në vendin tonë.

Raportohet se dy vajzat, njëra me origjinë polake dhe tjetra gjermane, rezultojnë tashmë të humbura që prej një jave.

Këtë lajm e ka bërë të ditur Admir Laliq, drejtor i Parqeve Kombëtare në Mal të Zi.

Në profilin e tij në Facebook, postimi i tij është shpërndarë masivisht.

Mësohet se dy vajzat kishin hyrë në Mal të Zi nga Shqipëria përmes pikëkalimit në Vermosh me veturën e tyre më 13 gusht.

“Më 14 gusht ato kanë kontaktuar me familjet e tyre dhe që nga ajo kohë janë zhdukur. Ndërkohë, kemi gjetur makinën e tyre në një parking në komunën e Plavës”, shkruan drejtori teksa lutet që kushdo që mund të ketë ndonjë informacion, të kontaktojë me autoritetet.