Që prej të enjtes kemi hyrë në të nxehtin saharian më të fortë të vitit. Temperaturat kanë arritur majat dhe meteorologët paralajmërojnë se dita e hënë do të jetë piku i kësaj vale të nxehti.
Por edhe sot do të ketë temperatura ekstremisht të larta.
Në bregdet termometri pritet të shënojë 39 gradë celsius. Në zonat fushorë do të jetë vapa më përvëluese, teksa në rajonet e Beratit, Tiranës dhe Elbasanit sot temperaturat do të shkojnë deri në 42 gradë celsius.
Në zonat malore do jetë pak freskët me temperaturat që nuk do i kalojnë 34 gradë celsius.
