Zv. Kryeministri Erjon Braçe në kuadër të aksionit anti-informalitet që po zhvillohet ditët e fundit në vend ka paralajmëruar të gjithë bizneset që i shmangen taksave se do të përballen me përgjegjësi ligjore.
Brace gjithashtu deklaroi se administratorët e Taivanit dhe Havaneës në Dhërmi kanë kërcënuar inspektorët tatimorë dhe u shpreh se kush kërcënon do të përballet me ligjin.
“Apel të gjithë administratorëve dhe pronarëve që kanë qenë në vëzhgim. Kërcënime ndaj nëpunësit të shtetit do të ndëshkohen pa mëshirë. I kërkoj administratorëve të Tajvanit dhe Havanës se çdo kërcënim i paraqitur ndaj inspektorëve që do të përballen me ligjin. Çdo gërmë kërcënuese do trajtohet si krim. Pavarësisht se presidenti nuk na e dha mundësinë për të vënë në zbatim kodin penal, ne do bëjmë aq sa na lejon ligji“, tha Braçe.
