Pas deklaratës të para pak minutave nga ministrja e Mbrojtjes Olta Xhaçka në lidhje me tërmetin apokaliptik, ka ardhur edhe reagimi i institucionit të Presidencës.
Tedi Blushi, këshilltari i Presidentit ka rikujtuar shkrimet e publikuara në mediat kombëtare dhe ndërkombëtare.
‘Papagajtë nuk kanë nevojë për fakte dhe as për argumente, ata vetëm përsërisin veten çdo herë. Për ata që kanë dëgjuar sot “zëdhënësen” e re në Shqipëri të z.Tselentis, po u rikujtojmë shkrimet e publikuara në mediat ndërkombëtare dhe kombëtare që i gjeni në linkun më poshtë. Ndërsa për ligjin “Për Mbrojtjen Civile” bën mirë të jetë e informuar se është dekretuar para se të përfundojë afati’, shkruan Blushi.
PKujtojmë se përmes një letre zyrtare drejtuar Presidencës, ministrja Olta Xhaçka shkruante se pas konsultimeve me Institutin e Gjeoshkencave, Energjisë, Ujit dhe Mjedisit, parashikimi i tërmeteve është i pamundur.
