Rama vazhdon avazin për Teatrin, publikon mesazhin e Altin Bashës: Qartë dhe shqip

Në kohën që debati për godinën e Teatrit Kombëtar është ende i nxehtë, kryeministri Edi Rama vazhdon të mbështetsë idenë e tij se Teatri duhet të shëmbet duke publikuar deklaratat e artistëve dhe regjisorëve të njohur në vend.

Këtë herë ai ka publikuar mesazhin e regjisorit Altin Basha, i cili shprehet se duhet një godinë e re.

STATUSI I KRYEMINISTRIT EDI RAMA

Regjizori Altin Basha, një ndër emrat më të spikatur të gjeneratës së re të krijuesve të skenës, mbështet njësoj si shumica dërrmuese e komunitetit teatror shqiptar, ndërtimin e Teatrit të Ri Kombëtar dhe shembjen e gërmadhës ekzistuese.

ALTIN BASHA:

Qartë dhe shqip, unë mendoj se duhet një godinë e re. Pjesa muzeale mund të zgjidhet brenda godinës së re. Si regjisor, po ju deklaroj me përgjegjësi, se ajo godinë nuk ofron mundësinë për zhvillimin e një krijimtarie cilësore teatrore dhe, për rrjedhim, një cilësi të ulët produkti për spektatorët dhe qytetarët.