Sherr më armë në lokalin e njohur të Vipave në Jalë, shkak një femër e showbizit shqiptar

Në orët e para të mëngjesit të së dielës, një përplasje me armë zjarri ndodhi në zonën “VIP” të lokalit Folie Marine.

Sipas policisë, sherri nisi mes dy grupeve të rinjsh rreth orës 02:00 të natës, të cilët kishin konsumuar alkool dhe më pas u përplasën fizikisht, ndërsa konflikti degjeneroi në përdorimin e armëve.

Sipas dëshmitarëve disa të shtëna janë dëgjuar, ndërsa klientët e tjerë të terrorizuar janë fshehur poshtë tavolinave, në zonën “Vip” të lokalit Folie Marine.

Një dëshmitar tjetër në vendngjarje tha për newsbomb.al se shkak i sherrit mes grupeve ka qenë një femër e njohur e showbizit shqiptar, megjithatë dinamika e ngjarjes është ende e paqartë pasi policia nuk ka dhënë asnjë version zyrtar dhe nuk ka asnjë të ndaluar.

Raportohet se një vajzë ka mbetur e lënduar nga sherri me mjete të forta, por është e paqartë nëse është i njëjti person në fjalë.
Edhe vitin e kaluar gjatë sezonit veror, në Jalë janë shënuar incidente të ngjashme në lokalin e njohur që frekuentohet edhe nga personazhe publike të showbizit e politikës.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern