Nga mishi te ushqimet për bebe, cilat janë 54 produktet që përfitojnë nga ulja e TVSH-së në 6%?

Drejtoria e Përgjithshme e Tatimeve ka bërë të ditur se Paketa Fiskale 2027 parashikon uljen e TVSH-së në 6% për 54 produkte ushqimore të shportës. Sipas institucionit, masa ka një impakt të përllogaritur prej rreth 150 milionë eurosh dhe synon të lehtësojë shpenzimet e familjeve shqiptare për produktet bazë të konsumit. Në kategoritë që do të përfitojnë nga ulja e TVSH-së përfshihen mishi dhe peshku, bulmeti dhe vezët, mielli, orizi dhe vaji, frutat dhe perimet, si dhe ushqimet për foshnjat.

Sipas Tatimeve, kjo ndërhyrje synon të marrë në konsideratë rritjen e kostove të ushqimeve dhe të orientojë politikat fiskale drejt mbështetjes së konsumit familjar dhe rishpërndarjes së të ardhurave. Lista e plotë e 54 produkteve që do të përfshihen në këtë skemë do të përcaktohet me vendim të Këshillit të Ministrave.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern