Të rinjtë kthejnë sytë nga zanatet, 910 nxnës në arsimin e mesëm profesional

Kërkesat e larta të tregut të punës për zanate kanë ngjallur interesin e të rinjve. Ka arritur në 910 numri i nxënësve në arsimin e mesëm professional, të regjistruar në Shkollën Teknike Ekonomike.

Bëhet fjalë për kualifikime, si Ekonomi-Biznes; Administrim Biznesi; Menaxhim i Furnizimit dhe Logjistikës – dual; E-commerce – dual; Tekstil-Konfeksione – Galanteri dhe Modelim. Ndërsa në programet pas të mesme, 52 nxënës ndjekin kualifikimet Dizenjim Mode dhe Ndërmjetësim i Pasurive të Paluajtshme.

Ministrja e Ekonomisë dhe Inovacionit, Delina Ibrahimaj vizitoi Shkollën Teknike Ekonomike në celje të këtij viti shkollor dhe u takua me të rinjtë.

Për herë të parë në Shkollën Teknike Ekonomike dhe në Shqipëri, këtë vit hapet kualifikimi Tregti Elektronike (E-commerce), me një kurrikulë të hartuar së bashku me përfaqësues të biznesit, bazuar në nevojat e tregut të punës.

Një tjetër risi është hapja e kualifikimit Galanteri, që do të përgatisë profesionistë për nevojat e këtij sektori.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern