LIGJET E BIZNESIT
Luftë kundër evazionit fiskal dhe informalitetit, si dhe përmirësim i mëtejshëm i marrëdhënies me tatimpaguesit dhe subjektet që ushtrojnë aktivitet ekonomik. Janë këto porositë që ministri i Financave, Petrit Malaj la për administratën tatimore dhe doganore gjatë takimit me drejtuesit rajonalë, ku fokusi ishte diskutimi i objektivave për periudhën në vijim dhe rritjen e standardeve të shërbimit ndaj qytetarëve dhe bizneseve.
Ministri Malaj theksoi se forcimi i kontrollit dhe mbledhja e të ardhurave publike duhet të shoqërohen gjithmonë me korrektësi, profesionalizëm dhe respekt ndaj qytetarëve dhe bizneseve.
Në këtë drejtim, u nënvizua se lufta kundër evazionit dhe informalitetit nuk pengon administratën publike të jetë korrekte me ligjin, e sjellshme dhe e drejtë me qytetarët. Po ashtu, mbledhja e të ardhurave publike duhet të shoqërohet me respekt dhe transparencë ndaj çdo subjekti që kontribuon në ekonominë shqiptare.
Ministri u shpreh se “Besa” është kontrata politike që Kryeministri Rama dhe qeveria propozojnë qytetarëve, për të rikuperuar kapitalin e besimit përmes një shteti më të dëgjueshëm e më të matshëm.
Në përfundim të takimeve, Ministri i Financave nënvizoi se shërbime më të mira, transparencë dhe korrektësi duhet të vijojnë të jenë në qendër të punës së administratës tatimore dhe doganore, si pjesë e angazhimit për një administratë më efikase, më të përgjegjshme dhe më pranë qytetarëve e tatimpaguesve.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
