LIGJET E BIZNESIT
Lajmi i mirë vjen nga Kosova. Lëvizja Vetëvendosje dhe Lidhja Demokratike e Kosovës kanë arritur marrëveshje për kandidatin që do të propozohet për postin e Presidentit të ri të Kosovës. Emri i dakordësuar nga dy partitë është Bekim Sejdiu.
Kryetari i LDK-së, Lumir Abdixhiku, konfirmoi marrëveshjen, duke bërë të ditur se Sejdiu është kandidati i propozuar për kreun e shtetit. Abdixhiku nuk dha detaje mbi përmbajtjen e marrëveshjes me kryetarin e Vetëvendosjes, Albin Kurti, por kërkoi që institucionet e reja të konstituohen sa më shpejt.
Sipas Abdixhikut, dy partitë kanë zhvilluar takime të vazhdueshme që prej 9 korrikut, me synim gjetjen e një zgjidhjeje politike dhe garantimin e stabilitetit institucional në vend. Negociatat, sipas tij, kanë qenë intensive dhe të vështira, por të dyja palët kanë vijuar përpjekjet për të arritur një marrëveshje.
Vetë Bekim Sejdiu ka konfirmuar se ka pranuar kërkesën e Abdixhikut dhe Kurtit për të marrë përsipër kandidimin për postin e Presidentit të Republikës së Kosovës.
Kush është Bekim Sejdiu?
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Bekim Sejdiu është jurist dhe diplomat karriere, me eksperiencë në marrëdhëniet ndërkombëtare dhe institucionet e Kosovës. Ai ka shërbyer edhe si gjyqtar në Gjykatën Kushtetuese të Kosovës, duke ndërtuar një karrierë në fushën juridike dhe institucionale. Në diplomaci, Sejdiu ka mbajtur postin e konsullit në Ankara gjatë viteve 2008–2012, në kuadër të shërbimit diplomatik të Kosovës.
Kandidatura e tij vjen në kuadër të përpjekjeve të partive politike për zhbllokimin e situatës institucionale dhe formimin e institucioneve të reja të Republikës së Kosovës.
