LIGJET E BIZNESIT
Thuajse 1 në 3 martesa në Shqipëri përfundon në divorc. Shifra është një nga treguesit më domethënës të ndryshimeve që po pëson familja shqiptare dhe ngre pikëpyetje mbi qëndrueshmërinë e martesës si institucion.
Të dhënat më të fundit vjetore zyrtare të INSTAT-it tregojnë se në vitin 2024, raporti i divorceve ndaj martesave arriti në 29.8 divorce për çdo 100 martesa. Në total, gjatë këtij viti u regjistruan 16,120 martesa dhe 4,809 divorce. Sipas përllogaritjeve, i takon pothuajse 13 divorce çdo ditë.
Por ajo që e bën më domethënëse tendencën është ecuria ndër vite. Raporti i divorceve kundrejt martesave ka ardhur duke u rritur gradualisht, duke treguar se ndarja po bëhet një fenomen gjithnjë e më i pranishëm në shoqërinë shqiptare.
Në vitin 2024, për më tepër, numri i martesave u tkurr krahasuar me një vit më parë, ndërsa numri i divorceve u rrit. Pra, kemi njëkohësisht më pak martesa dhe më shumë divorce, çka e ka shtyrë më tej lart raportin mes tyre.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Numri i lartë i divorceve shpjegohet më ndryshimet ekonomike dhe sociale, emigrimi, pasigurinë financiare, ndryshimin e rolit të gruas në familje dhe në tregun e punës, rritjen e pavarësisë ekonomike dhe sociale të individit, si edhe transformimin e mënyrës së komunikimit përmes teknologjisë. Janë të gjithë këta faktorë që kanë ndryshuar ndjeshëm marrëdhënien në çift.
Nga ana tjetër, rritja e numrit të divorceve mund të shpjegohet edhe me një liri më të madhe të individit për të bërë një zgjedhje personale dhe për t’i dhënë fund një marrëdhënieje me më pak barriera e vështirësi sesa disa vite më parë.
