LIGJET E BIZNESIT
Astrit Patozi që prej ditës së daljes së tij në Opozitë nuk ka nguruar në asnjë moment që të sulmojë shumë ashpër kreun e PD-së, Lulzim Basha.
Këtë herë shkaku për sulmin e radhës të Patozit ndaj Bashës është bërë vendimi i Gjykatës së Durrësit, e cila nuk njeh mandatin e Valbona Sakos në Durrës.
Patozi i shkruan me tone ironike Bashës që disa vendime të Gjykatave në favor të tij i njeh dhe të tjerat që i ka kundër nuk i njeh.
Duke vënë në pikëpyetje shkollimin prej juristi të Bashës, Patozi shton edhe hallin e madh që sipas tij kryedemokrati ka në këto kohë.
Postimi i Astrit Patozit:
NDAJE MENDJEN, O JURIST!
Eh, mor jurist, që nuk e tregon diplomën, megjithëse ta kanë bërë çështje prej shumë kohësh shkollimin tënd në Holandë! Qenke gëzuar për një vendim gjykate në Durrës, ndërkohë që po të kishe formimim elementar për atë, që pretendon se je arsimuar, duhet t’i njohësh të gjitha vendimet e institucioneve, jo vetëm ato që të pëlqejnë ty.
Ka një anekdotë me qershitë, për dikë që i ndante në të bëra pis ose jo. Dhe në fund i hëngri të gjitha, ngaqë i dukeshin të pastra edhe ato që kishin ngelur të fundit.
Sepse ka dhjetëra vendime të tjera gjykatash të cilat ti nuk i pranon, se nuk të interesojnë.
Por unë ta njoh hallin dhe nuk të vë shumë faj. Ti thjesht po shtyn ditët e tua, derisa të dalë një gjë tjetër e të harrohet fakti që i fale kundërshtarit 61 bashkitë pa betejë, kur u the njerëzve që zgjedhje vendore pa ty në Shqipëri nuk do të ketë.
E nise këtë punë me gënjeshtrën që BINDJA DEMOKRATIKE mori pjesë në procesin e 30 qershorit për të legjitimuar fitoren e Edi Ramës. Tani e paske ndërruar pllakën e gramafonit dhe po thua që ne ishim në këto zgjedhje për të deligjitimuar procesin.
Ka një shprehje të Shqipërisë së Mesme, që të shkon shumë në këtë rast: “O fol e mba, o dh.. e ha”.
Kaq për sot…Sepse unë nuk kam ndërmend të komentoj një vendim gjykate, sado i çmendur apo i porositur nga ndonjë kamikaz i dëshpëruar si ty që të më duket.
