Pensionet indeksohen me 2.7% nga 1 korriku, përfitojnë rreth 900 mijë qytetarë

Duke nisur nga 1 korriku, pensionistët do të përfitojnë një rritje prej 2.7% të pensioneve, pas miratimit të vendimit nga qeveria.

Indeksimi synon të zbusë ndikimin e rritjes së çmimeve dhe të ruajë fuqinë blerëse të kësaj kategorie përballë kostos në rritje të jetesës.

Vendimi parashikon që pensionet urbane të pleqërisë të rriten mesatarisht me 543 lekë në muaj.

Kjo do të thotë se pensioni mesatar urban, i cili në fund të vitit 2025 ishte 20,123 lekë, pas aplikimit të indeksimit do të shkojë në 20,666 lekë.

Ndërkohë, pensionet rurale do të rriten mesatarisht me 320 lekë në muaj. Pensioni mesatar rural, i cili në fund të vitit të kaluar ishte 11,878 lekë, do të shkojë në 12,107 lekë pas zbatimit të indeksimit.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Indeksimi i këtij viti është 0.2 pikë përqindjeje më i lartë se ai i vitit 2025, kur pensionet u rritën me 2.5%.

Nga kjo masë pritet të përfitojnë rreth 900 mijë pensionistë në të gjithë vendin.