Kaloi fazën teknike, raporti IBAR për Shqipërinë pritet të miratohet sot nga ambasadorët e BE-së

Grupi i Punës për Zgjerimin në Bashkimin Europian, COELA ka miratuar raportin e Vlerësimit të Pikave të Ndërmjetme (IBAR) për progresin e Shqipërisë në procesin e integrimit europian.

27 vendet anëtare të Bashkimit Europian kanë rënë dakord për një draft të përbashkët, i cili pritet të miratohet sot zyrtarisht në mbledhjen e ambasadorëve të vendeve anëtare të BE-së, COREPER.

Drafti i përbashkët u arrit pas afro tre muajsh diskutimesh dhe negociatash mes Këshillit Evropian dhe Komisionit Europian, ndërsa ky i fundit që kishte dhënë më herët një vlerësim pozitiv për Shqipërinë.

Pas miratimit në COREPER, hapi i radhës do të jetë Konferenca Ndërqeveritare Shqipëri-BE, e cila do të mbahet më 26 maj. Në këtë konferencë, Shqipëria do të përfaqësohet nga kryeministri Edi Rama.

Ky zhvillim konsiderohet si një nga fazat më të rëndësishme të negociatave të negociatave për anëtarësim, pasi i hap rrugë avancimit të mëtejshëm të Shqipërisë në procesin e mbylljes së kapitujve me Bashkimin Europian.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern