Lufta në Iran rrit çmimet e ushqimeve, inflacioni në prill 2.8%

Lufta në Lindjen e Mesme ka dhënë efektet negative në ekonominë shqiptare. Pas oshilacioneve të cmimit të karburanteve, janë shtrenjtuar edhe produktet e konsumit të përditshëm. Instituti i Statistikave ka publikuar të dhënat mbi ecurinë e inflacionit, treguesit që mat koston e jetesës në vend. Në prill, inflacioni arriti në 2.8% nga 2.3% që ishte në të njëjtën periudhë të një viti më parë.

Krahasuar me muajin mars të këtij viti, çmimet e konsumit u rritën me 0.3 për qind. INSTAT vlerëson se rritja vjetore e çmimeve në këtë periudhë u ndikua kryesisht nga grupi “Transporti” me 8.5 %, si pasojë e shtrenjtimit të karburanteve, pasuar nga “Qira, ujë, energji elektrike, gaz dhe karburante të tjera” me 4.7 %, “Sigurime dhe shërbime financiare” me 4.1 %, “Argëtim, sport dhe kulturë” me 3.7 %, “Mobilje, pajisje shtëpie dhe mirëmbajtje e shtëpisë” dhe “Restorante dhe shërbime akomodimi“ me 2.8 % secili, “Pije alkoolike dhe duhan” dhe “Kujdesi personal dhe mallra e shërbime të ndryshme” me 2.7 % secili, “Shërbimi arsimor” me 2,0 %, “Ushqime dhe pije joalkoolike” me 1.3 %, etj.

Pavarësisht rritjes në prill, inflacioni në nivelin 2.8% që ndodhet ende brenda objektivit prej 3% të parashikuar nga Banka e Shqipërisë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern