LIGJET E BIZNESIT
Samiti i Diasporës i mbylli punimet këtë javë në Tiranë, duke e shndërruar kryeqytetin në një pikë të rëndësishme të takimit të shqiptarët nga e gjithë bota. Nga sektorë të ndryshëm, si biznesi, arsimi, arti e kultura etj, përgjatë tre ditëve të Samitit, shqiptarë të suksesshëm në botë dëshmuan historitë e tyre dhe dëshirën për të ruajtur lidhjet me atdheun.
E teksa shteti shqiptar vlerësoi disa prej tyre me çmim, një vlerësim e patën ata vetë, për drejtuesen e institucionit që mban lidhjet me diasporën çdo ditë dhe që ka qenë një ndër organizatoret kryesore të Samitit të Diasporës 2026. Bëhet fjalë për drejtoreshën e Agjencisë Kombëtare të Diasporës, zonjën Ermonela Xhafaj, Cmimi iu akordua nga zonja Eriglena Begaj, presidente e Shoqatës së Kontablistëve Shqiptarë në Itali.
“Në këto ditë janë dhënë disa çmime për diasporën. Ndërsa ne sot japim një çmim nga diaspora për Agjencinë Kombëtare të Diasporës dhe drejtuesen e saj, zonjën Ermonela Xhafaj, duke e falenderuar jashtë mase për punën e saj”, u shpreh zonja Begaj.
Një çmim që dëshmon se kujdesi dhe puna me emigrantët është e përditshme, si mënyra e vetme për të ndihmuar në forcimin e lidhjeve të tyre me atdheun.
“Ky është një çmim që më emocionon, pasi kemi bërë një punë shumë të madhe. Vetë rezultati i këtij Samiti e tregoi. Një punë shumë e madhe e bërë nga Ministria e Evropës dhe Punëve të Jashtme dhe Agjencia Kombëtare e Diasporës. Realisht e ndjej veten shumë të emocionuar”, u shpreh zonja Xhafaj.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Samiti i Diasporës 2026 edhe këtë vit u mbyll me sukses, duke u shndërruar tashmë në një traditë si pikëtakimi i përvitshëm me shqiptarët kudo në botë.
