LIGJET E BIZNESIT
Të marrësh një kredi në bankë për të blerë një shtëpi është bërë më e vështirë. Banka e Shqipërisë ka konstatuar në Vrojtimin e Aktivitetit Kreditues se standardet e kreditimit për individët u shtrënguan në tremujorin e fundit të vitit 2025 vetëm në kreditë për blerjen e banesave. Në kreditë konsumatore, standardet e kreditimit u raportuan të pandryshuara.
Shtrëngimi i standardeve u nxit nga rreziku i perceptuar prej bankave për situatën aktuale e të pritur në tregun e banesave. Kufizimet uniforme të vendosura në korrik të vitit 2025 nga Banka e Shqipërisë mbi raportin e kredisë ndaj vlerës së disbursuar dhe mbi raportin e shërbimit të borxhit ndaj të ardhurave në kreditë e reja për pasuritë e paluajtshme, u raportuan po ashtu nga bankat si faktorë që vepruan në kahun shtrëngues të standardeve të kreditimit. Faktorët e tjerë që ndikojnë standardet e kreditimit për individët u raportuan të pandryshuar.
Në tremujorin e parë të vitit 2026, standardet e kreditimit priten të mbeten të pandryshuara për blerjen e banesave dhe të lehtësohen në kreditë konsumatore (Grafik 8).
Kushtet dhe termat e kreditimit
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Kushtet dhe termat e përgjithshëm për kreditë akorduar individëve u shtrënguan në tremujorin e fundit. Shtrëngimi i kushteve e termave të kreditimit u krye nëpërmjet kërkesave më të larta për kolateral në raport me kredinë e marrë me qëllim financimin e blerjes së banesave. Të gjitha elementet e tjera çmim dhe joçmim u raportuan të pandryshuara
Shtrëngimi i kushteve e termave të kreditimit pasoi kufizimet e vendosura nga Banka e Shqipërisë për kreditë e reja në pasuritë e paluajtshme. Faktorët e tjerë që ndikojnë kushtet e termat e kreditimit për individët u raportuan të pandryshuar.
