Sot Dita e Çlirimit të Shqipërisë, Rama uron për festën kombëtare

Shqipëria përkujton sot 81-vjetorin e Çlirimit nga pushtuesit nazistë. Sikurse çdo vit, figurat më të larta të shtetit pritet të zhvillojnë homazhe në Varrezat e Dëshmorëve të Kombit, duke nderuar sakrificën dhe heroizmin e atyre që luftuan për liri.

Kryeministri Edi Rama ka uruar ndjekësit në rrjetet sociale, teksa ka ndarë edhe një foto nga Memoriali “Nëna Shqipëri”.

“Mirëmëngjes dhe me urimin për festën kombëtare të çlirimit, ju uroj të gjithëve një fundjavë të paqtë”, shkruan Rama.

Aktivitetet që nisën nga dje për 113-vjetorin e Pavarësisë në të gjithë vendin, pritet të vijojnë edhe sot.