Vetëm një ditë pas publikimit të vendimit të CAS për pëjashtimin e Skënderbeut nga garat europiane për 10 vite, ka ardhur edhe reagimi i klubit korçar.
Përmes një njoftimi për mediet, Skënderbeu ka renditur të gjitha arsyet që të çojnë drejt mendimit se ky vendim kundër tyre edhe në CAS ka qenë i paracaktuar dhe i imponuar nga UEFA.
Klubi korçar është shumë i ashpër në reagimin e tij, teksa e cilëson këtë vendim si provë se drejtësia sportive europiane është e kalbur.
Në fund të kësaj komunikate ka edhe një premtim për tifozët, duke iu thënë atyre se Skënderbeu do të vazhdojë të jetë kompetitiv në kampionatin shqiptar dhe se beteja për të drejtën do të vazhdojë deri në fund.
