Vetëm pak ditë më parë, Irina Vetere në gjendje të dehur doli nga rruga duke shtypur dy të rinj shqiptarë më pasojë vdekjen e tyre. Pak ditë pas kësaj ngjarje të rëndë, gruaja italiane ka folur për herë të parë për mediet fqinje.
“Jam shumë pranë familjeve të dy të rinjve, nuk më intereson fare se çfarë do të më ndodhë mua. Ajo që do të më ndodhë do të jetë e drejtë”, ka thënë 30 vjeçarja, Irina Vetere nga qelia e burgut.
Dy të rinjtë shqiptarë, Ergi Skënderi dhe Xhulio Kaja, humbën jetën pasi u shtypën nga Vetere, e cila kishte konsumuar alkool, mbi 5-fishin e normës së lejuar dhe po lëvizte me shpejtësi tej normave.
Avokati i 30 vjeçares me profesion mjeke, tha se ajo tani nuk mendon asgjë tjetër përveç momentit tragjik të aksidentit të 30 qershorit dhe se ketë gjë ia ka shprehur edhe prokurorit dhe gjyqtarit të cështjes.
