LIGJET E BIZNESIT
Banka e Shqipërisë ka analizuar ecurinë e tregut të pasurive të patundshme dhe ka dalë në konkluzione lidhur me dinamikat e tij. Në raportin e Stabilitetit Financiar për gjashtëmujorin e dytë të vitit 2024, institucioni mbikëqyrës bankar vlerëson se zhvillimet në tregun e pasurive të patundshme kanë qenë të qëndrueshme dhe çmimet e pronave rezidenciale kanë shënuar rritje të ndjeshme.
Kërkesa e përgjithshme për blerje në tregun e pasurive të paluajtshme rezidenciale gjatë periudhës ka qenë e qëndrueshme, ndërkohë që kërkesa nga jorezidentët ka rënë lehtë. Numri i pronave të pashitura ka vijuar të bjerë për disa gjashtëmujorë radhazi dhe koha mesatare e shi
tjes është shkurtuar lehtë, për shkak të rënies së kohës së shitjes për pronat e shitura në kryeqytet”, theksohet në raport.
Banka e Shqipërisë vlerëson se.rritja e kredisë bankare për blerje dhe zhvillim pasurish të paluajtshme ka mbështetur qëndrueshmërinë e kërkesës. Bankat kanë shtrënguar disi standardet për këtë lloj kredie dhënë individëve. Në tërësi, rritja e ofertës së njësive të banimit, sipas numrit të lejeve të ndërtimit, ishte më e ulët në krahasim me një vit më parë, por sipërfaqet për ndërtimet e reja paraqiten më të mëdha. Pesha e
kredisë bankare për ndërtim nuk ka shënuar ndryshime gjatë periudhës.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
“Kostot e ndërtimit janë rritur, kryesisht për shkak të rritjes në shpenzimet për paga, energji dhe transport. Pas rënies në periudhën e mëparshme, vrojtimi tregon se Indeksi Fischer i çmimit të banesave në rang vendi u rrit me 23.6% në terma gjashtëmujorë dhe me 44.5% ndaj një viti më parë. Rritja e vlerës së indeksit për Tiranën ishte gjithashtu e fortë. Po ashtu, edhe çmimet e qirasë janë rritur”, theksohet në raport.
banka e Shqipërisë argumenton se agjentët ruajnë një vlerësim pozitiv në lidhje me ecurinë e tregut të banesave në periudhën afatshkurtër dhe mbeten optimistë për zhvillimet në një periudhë më afatgjata.
