Dje dolën emrat e negociatorëve, Basha flet për marrëveshjen e mundshme me Ramën

Në mbledhjen e sotme të kryesisë së PD, kryedemokrati Lulzim Basha i ka dhënë fund zërave për një marrëveshje të mundshme mes tij dhe kryeministrit Edi Rama.

Basha u shpreh se këto janë lajme që nxirren nga mercenarët e Rilindjes dhe se kauza e opozitës mbeten zgjedhjet e lira pa Edi Ramën kryeministër dhe me qeveri tranzitore.

Kujtojmë se ditën e djeshme u përfol për një marrëveshje ku dy negociatorët përfaqësues të partive politike do të ishin Gazmend Bardhi dhe Taulant Balla.

FJALA E LULZIM BASHES NE KRYESINE E PD

Kjo krizë nuk mbyllet me pazar mes PS-PD, siç po flasin mercenarët e Ramës. Kriza zgjidhet me parime.

Parimi i parë, është fundi i pandëshkueshmërisë i atyre që kanë vjedhur votat. Për këtë duhet drejtësi e pavarur, por drejtesi me ramen kryeministër nuk ka për të patur.

30 qershori është dërrmimi më i madh politik dhe moral i ndonje pushteti ne keto 30 vjet. U faktua ajo që ne paralajmëruam: Eshte varreza politike e Edi Ramës.

Duhet të jemi të qartë në mesazhet tona: Nuk ka kthim pas. Nuk ka ulje në tavolinë me Edi Ramen, me njeriun që vjedh zgjedhjet. Zgjedhje të lira me Edi Ramën nuk ka. Synimi ynë është largimi i tij, është qeveria tranzitore, është krijimi i kushteve për zgjedhje të lira e të ndershme.

Do të vazhdojmë aksionin politik, do të vazhdojmë protestat.

Është koha të bëhemi gati që përveç protestës, të shpalosim bashke me njerezit alternativën, që shumicen Rama ik, shumicen qe kerkon ndryshim ta kthejme ne nje mazhorance politike dhe qeverisese.