S’ka pushime në PD, Basha mbledh kryesinë në selinë blu, zbardhen porositë për ish-deputetët

Kryetari i Partisë Demokratike Lulzim Basha ka mbledhur sot kryesinë dhe ish-grupin parlamentar, ku ka kërkuar që strukturat të kenë angazhim maksimal.

Lideri demokrat ka thënë në mbledhje se do të mërret me riorganizimin e partisë dhe se do të zhvillojë takime në cdo degë.

Ai ka kërkuar gjithashtu që këto takime të jenë më intesnive dhe të qëndrohet larg euforizmit.

“Ramën e ka refuzuar edhe PS. Ne nuk duhet të jemi euforikë. Do të merremi me organizimin e partisë. Do bëj takime në cdo degë”, mësohet të ketë thënë Basha.

Duket se opozita do të vijojë dhe me protestat kombëtare, të cilat do të kenë si fokus kategori të caktuara qytetarësh, si fermerët apo kategoritë në nevojë.

Një tjetër pikë që do të hapë debat është dhe vendimi i demokratëve për të mos lejuar që në zyrat e bashkive të djathta, të hyjnë kandidatët fitues të 30 Qershorit.

Mësohet se Basha do dalë në terren ne cdo dege të PD-së, deri fund të muajit. Ndërkohë që nje grup pune do jetë gjithashtu për cdo ditë në terren, per te finalizuar gjithe pergatitjen e strukturave, sipas udhëzimeve të fundit të dhëna nga kryedemokrati.

Synimi eshte qe muaji gusht te mbylle çdo pune pergatitore dhe nisja e shtatorit duhet ta gjeje gati PD per zhvillimet sipas saj te shpejta politike qe priten.