Një aksident ka ndodhur sot paradite në lagjen në.5 të qytetit të Kavajës.
Mësohet se një makinë tip “Peugeot” ka përplasur një motor dhe si për pasojë është plagosur drejtuesi i tij shtetasi Limon Kazazi 47 vjeç.
Ai është transportuar me urgjencë në spitalin e Durrësit, ndërkohë që bëhet me dije se shkak i këtij aksidenti ka qenë shpejtësia e automjetit.
Sipas burimeve policore, drejtuesi i motorit ishte një shitës ambulant i qumështit dhe pasi kishte mbaruar punën në treg, ishte duke shkuar drejt banesës të tij. Mirëpo, rrugëtimi i tij përfundoi duke u shtruar për kurim në spital.
Sipas informacione i aksidentuari ka pësuar dëmtime në kokë dhe në gjoks, ose në gjuhën mjekësore politraumë.
