LIGJET E BIZNESIT
Bashkitë “kanë lëshuar” dorën me dhënien e lejeve të ndërtimit. Sipas të dhënave të Institutit të Statistikave, në tremujorin e katërt të vitit të kaluar u miratuan gjithsej 317 leje ndërtimi për ndërtesa të reja, nga 303 leje të miratuara në tremujorin e katërt 2023, duke shënuar një rritje prej 4.6 %.
Të dhënat e detajuara tregojnë se më shumë leje janë dhënë në Tiranë me një total prej 114 leje në tremujorin e fundit 2024, të cilat arrijnë në 348.642 metër katror me një vlerë të përafërt prej 12.8 miliardë lekë. Qarku I dytë me numrin më të madh të lejeve është Durrësi, pasuar nga Elbasani. Ndërkohë që qarqet me numrin më të vogël të lejeve të ndërtimit janë Kukësi me vetëm 1 leje ndërtimi në tremujorin e fundit të vitit që lamë pas, si dhe Dibra dhe Berati me 6 leje ndërtimi secila.
