LIGJET E BIZNESIT
Në prezantimin e projektit të bashkisë së Tiranës, kryeministri Rama ka bërë me dije se zona e bllokut do të ketë më pak korsi për qarkullimin e automjeteve, ndërsa më shumë hapësira për këmbësorët. Për të luftuar trafikun në kryeqytet Rama kërkoi nga policia goditjen e parkimeve të dyfishta.
Bashkia e Tiranës mendon se ka ardhur koha që të ndërhyhet në zonën e Bllokut për ta kthyer në një zonë me më pak makina dhe më shumë hapësira për këmbësorët. Kryeministri Edi Rama u kujdes vetë që t’i japë mbështetjen këtij projekti, që ngjason me nismën e tij, kur ishte zyrtarisht kryetar bashkie.
“Mund të jemi shumë më kurajozë në këmbësorizimin e hapësirave dhe nga ana tjetër duhet t’i shmangemi idesë fikse që për të ulur fluksin e trafikut, duhet të zgjerosh rrugët, kjo është tërësisht e pavërtetë madje e kundërta është e vërtetë. Dekurajimi i trafikut është përgjigja dhe besoj që në ketë zonë, do t’ia vlejë dhe duke stimuluar qarkullimin e njerëzve, do të jetë dhe shumë efikase edhe për bizneset qe janë në zonë”.
I vetëdijshëm që ky plan ka nevojë edhe për hapa të tjerë për t’u bërë funksional, problem mendon se mbetet parkimi.
“Duhet të mendojmë për më shumë akoma hapësira parkimi nëntokësor. Hapi tjetër që do të duhet të bëjmë, është goditja e parkimit të dyfishtë që është problemi kryesor”.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Teksa ndodhemi pak javë para zgjedhjeve, Kryeministri kërkon nga Bashkia e Tiranës që të jenë e kujdesshme me banorët e zonës së Bllokut, ndaj nënvizoi nevojën që projekti t’u sqarohet të gjithëve.
“Njerëzit që janë banorët këtu, të jenë të parët që ta përkrahin dhe ta përqafojnë projektin dhe pastaj sigurisht të tjerët do të adaptohen”.
Nga ky projekt do të preken tre rrugë dhe kryqëzimet kryesore,“Ismail Qemali”, “Pjetër Bogdani” dhe rruga “Brigada 8”.
