LIGJET E BIZNESIT
Konfindustria i kërkon qeverisë të fillojë menjëherë përshtatjen e legjislacionit tregtar vendor me politikat ekonomike të SHBA të filluara nga Presidenti Trump.
Gjithashtu, Bashkimi Europian ka përcaktuar, me direktiva të posaçme në mesin e vitit 2024, ndryshim thelbësor të politikave tregëtare me ndikim të drejtëpërdrejtë në tregjet botërore përfshi edhe Shqipërinë.
Konfindustria vlerëson, se nëse nuk merren masa të shpejta për tu përballur me ndryshimet e thella në ekonominë botërore të ndërmarra nga SHBA dhe BE, pasojat e tyre do të jenë shkatërruese për industritë dhe prodhimin vendor shqiptar. “Rrezikohen seriozisht jo vetëm rënia e investimeve industriale të reja, por edhe falimentimi masiv i sektorëve të sotëm prodhues dhe zhdukja e markave “Made in Albania”, theksohet në njoftimin për shtyp të Konfindustrisë.
Sipas industrialistëve, prodhimi industrial shqiptar edhe aktualisht është në gjëndje mjaft të vështirë. Në 3 mujorin e tretë në vitin 2024 është shënuar rënie krahësuese vjetore me 5,4 % në volum të prodhimit, ndërkohë defiçiti tregëtar ka arritur në rekordin historik të 5,4 miliard Euro e paaftë të shpjegojë dhe mbështesë fuqinë e monedhës kombëtare Lek-ut. Të hyrat valutore nga turizmi, ndërtimi dhe burimet informale janë plotësisht të paqëndueshme.
Në kushte të tilla, monedha Lek rrezikon seriozisht të hyjë në ciklin e zhvleftësimit të shpejtë me pasoja të rënda të pallogaritshme për qytetarët, biznesin dhe ekonominë shqiptare, që mund të çojë deri në qëndrueshmërinë shoqërore dhe rendin kushtetues në vend.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
