Në Fletoren Zyrtare, është botuar vendimi për caktimin e masës së përfitimit për kriteret dhe kushtet e veçanta për mbështetjen me fond për ndërmarrjet, mikro, të vogla dhe të mesme për vitin 2025 me propozimin e ministrit të Ekonomisë, Kulturës dhe Inovacionit dhe Këshillit të Ministrave. Por, cilat janë masat financiare dhe cilat ndërmarrje nuk përfitojnë?
Si fillim, nga ky fond, nuk përfitojnë ato ndërmarrje të cilat kanë përfituar burime financimi nga donatorë apo institucione financiare kombëtare dhe ndërkombëtare.
Por, referuar vendimit, skema e mbështetjes financiare për shpenzimet korrente për programin e mbështetjes për zhvillimin ekonomik, është në vlerën e 100 000 000 lekë, fond i cili mbulon 100% të kostove të miratuara, por jo më shumë se 2 500 000 lekë.
Ndërkohë, mbështetje financiare për zërin “shpenzime Kapitale”, është në vlerën e 31 830 000 lekë. Nga ky fond ndahen në vlerën e 21 830 000 lekë për projekte për konkurrueshmërinë të cilat mbulojnë 100% të kostove të miratuara, por jo më shumë se 1 500 000 lekë si dhe në vlerën 10 000 000 lekë, projekte në mbështetje të artizanatit, të cilat mbulojnë kostot 100%, por pa kaluar vlerën e 1 000 000 lekëve.
Aplikuesit për përfitimin e fondit, duhet të plotësojnë kriteret e përgjithshme duke pasur në fokus nxitjen drejt eksportit dhe forcimin e aftësive për shërbimet dhe produktet për një treg të qëndrueshëm.
Fokusi i këtij vendimi, është rritja e konkurrueshmërisë për zhvillimin e produkteve dhe shërbimeve, rritjen e biznesit kreativ, mbështetjen e grave sipërmarrëse, impelentimin e teknologjive të reja dhe inovacionit
