Edhe lëvizjet e Politikës Monetare që bëjnë bankat qendrore mund të ndikojnë në reduktimin e nivelit të papunësisë, pasi çdo lëvizje e politikës është një orientim për të ardhmen. Ky ishte edhe studimi shkencor i studentit Markelian Blacëri në nivelin Master në Universitetin e Padovës që mori çmimin e Guvernatorit për “Diplomën më të Mirë për vitin 2024’.
“E them me kënaqësi se temat përputhenme pritshmëritë tona dhe përmbushin karakteristikat më të mira të një pune shkencore”, reagon guvernatori Sejko.
Në ndarjen e çmimeve për tre diplomat më të mira të vitit për punime kërkimore në financë, ekonomi e teknologji, Guvernatori Gent Sejko bëri edhe një panoramë të situatës ekonomike të vendit, ku fokusin e vur itek anëtarësimi në Zonën Unike të Pagesave në Euro dhe “Bankingu i Hapur”.
“Të dyja nismat synojnë të përmirësojnë përfshirjen financiare, duke shërbyer drejtpërdrejt në reduktimin e nivelit të informalitetit dhe si rrjedhojë, duke mbështetur rritjen e qëndrueshme afatgjatë”, shtoi Sejko.
Viti 2024 tha Guvernatori po mbyllet me rezultate pozitive ekonomike dhe me ulje inflacioni.
“Ky rikthim i stabilitetit të çmimeve është shoqëruar me lehtësim të kostove të jetesës së familjeve dhe rritje të investimeve të bizneseve”, tha kreu i Bankës.
Ecuria ekonomike pozitive u shpreh guvernatori do të vijojë edhe në vitin 2025, ku pritshmëritë janë për rritje në 3.5 deri në 4% për qind.
