Shqipëria synon të kthehet në një qendër të inovacionit dhe zhvillimit të qendrueshëm. Kjo nëpërmjet zbatimit të Strategjisë Kombëtare të Specializimit të Zgjuar dhe të Planit të Veprimit për zbatimin e saj” (S3). Strategjia është hedhur për konsultim public dhe synon që të forcojë inovacionin dhe zhvillimin rajonal në përputhje me objektivat e integrimit në Bashkimin Europian.
Kjo strategji është hartuar për të identifikuar dhe zhvilluar fusha me potencial të lartë për rritje dhe inovacion, duke përfshirë sektorët strategjikë si energjia e rinovueshme, turizmi i qëndrueshëm dhe zinxhiri i ushqimit të shëndetshëm.
Procesi për hartimin e Strategjisë S3 ka filluar në vitin 2016, me një mbështetje të gjerë nga institucione kombëtare dhe ndërkombëtare, duke përfshirë Komisionin Evropian dhe Qendrën e Kërkimeve të Përbashkëta (JRC) të BE-së.
Draft Strategjia e Specializimit Inteligjent (S3) 2024-2030
