LIGJET E BIZNESIT
Nga Aurora Sulçe, Producente Ekzekutive për Biznesin në A2 CNN
Kryeministri po vijon turit e tij të takimeve me diasporën, duke iu kërkuar votën emigrantëve shqiptarë në zgjedhjet e përgjithshme parlamentare, që do të zhvillohen vitin e ardhshëm.
Por përtej votës, pse është e rëndësishme diaspora?
Në aspektin ekonomik dhe financiar, emigrantët shqiptarë sjellin para pranë familjeve të tyre në atdhe, duke ndihmuar të afërmit, por edhe ekonominë e vendit. Ata mbeten një potencial i madh për investime, duke pasur parasysh nivelin e lartë të ekspertizës dhe eksperiencën që kanë fituar në vendet, ku punojnë dhe jetojnë prej vitesh. Gjithashtu, shqiptarët e diasporës kanë një rrjet të madh bashkëpunëtorësh, atë që ndryshe njihet si netëork dhe që është shumë i rëndësishëm në ekonomi, pasi bën të mundur sjelljen në Shqipëri të investitorëve të tjerë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Por sa para kanë sjellë emigrantët shqiptarë në atdhe?
Vitin e kaluar, dërgesat e emigrantëve arritën rekordin e 929 milionë eurove. Këto flukse valutore janë përshpejtuar vecanërisht në katër vitet e fundit, që tregon për aktivizimin intensiv të emigrimit dhe faktit që janë emigrantët e rinj ata që po dërgojnë para në atdhe. Ritmet e remitancave kanë qenë të larta edhe këtë vit, duke kapërcyer në fubnd të 6 mujorit të parë vlerën e 510 milionë euro, cka sinjalizon që në fund të 2024-ës do të kemi një rekord të ri të këtij treguesi.
Cilët janë sektorët që diapposra ka më shumë interes për të investuar?
Rezultojnë disa degë të ekonomisë, ku interesi është më i shtuar dhe ato janë: energjia; teknologjia e informacionit; turizmi dhe shërbimet financiare.
Por shqiptarët e diasporës hasin vështirësi për të investuar në Shqipëri, ashtu si edhe një pjesë e investitorëve të tjerë.
Barriera që knë të bëjnë kryesisht me konkurrencën e pandershme; korrupsionin; ndryshimet e shpeshta fiskale dhe mungesën e orientimit të investimeve.
