LIGJET E BIZNESIT
Përballë një skeme të pensioneve në vështirësi ku numri i kontribuesve po barazohet me të përfituesve, qeveria po përpiqet të gjejë mënyra për të shtuar buxhetin dhe shmangien e një kolapsi. Kryeministri Rama ka nisur një sërë fushatash për deklarimin e pagave reale, me qëllim sigurimin e parave për rritjen e pensioneve.
“Kam detyrimin që çdo qindarkë, të çdo pagese, për çdo person që i takon pensionistëve, tu shkojë pensionistëve. Ky është detyrim i çdo kujt që merr një pagë, e ndërkohë që në sektorin publik ky detyrim është i përmbushur se nuk varet nga sjellja e personit që paguhet, po derdhet në arkën e sigurimeve shoqërore. Nuk ndodh e njëjta gjë në sektorin privat”, tha Rama.
Nëse nga bizneset nuk do të ketë reflektim, kreu i qeverisë paralajmëron masa të rënda administratave, por edhe penale.
“Ne nuk do ti pranojmë deklarimet e pagave siç doni ju. Kjo lojë me pagat do të mbarojë, sepse institucionet e të ardhurave nuk do ta pranojnë. Nëse institucionet ndeshen me kokëfortësi, kur të të kthejnë deklaratën dhe të thonë që nuk e ke ka pagën që deklaron. Mosreflektimi i dytë do këtë procese të tjera që nuk janë për mua dhe për qeverinë, por për institucionet dhe organet e drejtësisë”, u shpreh kryeministri.
Drejtori i Tatimeve Ilir Binaj njoftoi se një taskforce do të ngrihet për me inspektoriatin e punës për kontrollet, ndërsa ministri i ekonomisë, Blendi Gonxhe lajmëroi se Tatimet nuk do të jenë të vetmet masa që do merren.
Masat e tatimeve nuk mund të jenë e vetmja armë për të luftuar këtë armë dhe këtë problem të madh që kemi. Ka shumë rëndësi puna me ndërgjegjësimin, që të kuptojmë realisht se çfarë rëndësie kanë këto sjellje, këto veprime dhe aktorët nga të cilat kryhen. Duhet të kemi një angazhim më të madh për të bërë ndërgjegjësim shumë të madh sa i takon këtyre fenomeneve”
Qeveria por punon më Bankën Botërore dhe FMN për një skemë të re pensionesh me qëllim kryesor zvogëlimin e pragut të diferencës për kategori të ndryshme. Ndërsa për këtë fundvit është lajmuar një bonus edhe më i madh se vitet e tjera për pensionistet.
