Opinion Nga Ervin Resuli, president në Urdhri Mjekut Veteriner
Është e thjeshtë fare. Shqipëria e para viteve ’90 numëronte afërsisht 6,000,000 krerë të imta me potencial për të arritur në 10 milionë, pasi në atë kohë nuk aplikohej regjimi stallor i të imtave. Në 1934 ne numëronim 200 krerë të imta për 100 banorë, në total rreth 2,000,000 krerë të imta.
Por ku jemi sot? Sipas INSTAT, ne numërojmë diku te 1,700,000 krerë të imta, që po ta llogarisim i bie mesatarisht 56.6 krerë të imta për 100 banorë.
Për krahasim, ishulli i Kretës me 650,000 banorë ka 2.3 milionë krerë të imta. Pra, 354 krerë të imta për 100 banorë. Totali i të imtave në Europë është afërsisht 98 milionë. Ne të paktën mund të shquheshim me 10% të totalit të Evropës. Por jo, nuk është e thënë. Greqia ka 12 milionë krerë të imta, afërsisht 120 krerë për 100 banorë dhe të paktën, mund të ishim konkurrentë me një nga vendet kryesore të BE-së për të imtat. Fatkeqësisht, jemi në rënie të lirë dhe nuk i dihet fundi.
Mbështesni blegtorin!
