LIGJET E BIZNESIT
Sot është afati i fundit i deklarimit të të ardhurave. Janë mbi 73 mijë të punësuar në vend që duhet të plotësojnë Deklaratën Individuale Vjetore të të Ardhurave (DIVA) dhe të paguajnë nëse rezulton tepricë. Deklarimi nëpërmjet DIVA është një detyrim për çdo punonjës, rezident dhe jo rezident në Republikën e Shqipërisë, i cili përfiton të ardhura me burim brenda dhe jashtë vendit, në shumën mbi 2 milion lekë në vit apo është i dypunësuar të paktën për një periudhë tatimore brenda vitit.
Edhe këtë vit, deklarimi i DIVA do të bëhet njëjtë me vitet e mëparshme. Të njëjtat kategori, të njëjtat detyrime, pavarësisht hyrjes në fuqi të ligjit të ri të “Tatimit mbi të Ardhurat”, efektet e të cilit për këtë deklaratë do të ndihen në vitin 2025, kur individët do të deklarojnë DIVA për vitin fiskal 2024.
Sipas të dhënave zyrtare të Administratës Tatimore detyrimin për të plotësuar DIVA për vitin 2023 e kanë në total 73.790 individë, nga të cilët 24.224 individë me të ardhura mbi 2 milion lekë dhe 49,566 individë të dypunësuar.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
