Të kërkosh falje është një nga gjërat më të vështira që duhet të bëjmë, jo vetëm si udhëheqës, por edhe si njerëz.
T’i thuash dikujt se ke gabuar kundrejt tyre nuk është kurrë e lehtë. Kur gjejmë më në fund guximin dhe përulësinë që na duhet për të kërkuar falje, ne priremi të gjejmë justifikime për ta shamngur. E vetmja falje e pranueshme është falja pa justifikim. Mos përdorni më shprehje të tilla si “nëse kam ofenduar dikë”!
Pranoni të vërtetën
Njerëzit që nuk janë të besueshëm përpiqen të krijojnë errësirë, dyshime dhe mister të panevojshëm. Ata ndërtojnë një variant të ri të asaj që ndodhi për të minimizuar gabimet e tyre, të paktën në mendjen e tyre. Nga ana tjetër, njerëzit të cilëve mund t’u besohet, krijojnë transparencë sa më shpesh të jetë e mundur – në mënyrën se si marrin vendime, cilat janë kriteret e suksesit, si i zbatojnë projektet etj. I njëjti parim i transparencës zbatohet dhe për të kërkuar falje: pranoni atë që ndodhi dhe gabimin tuaj në të.
Duket e frikshme t’i tregosh hapat e tua të gabuara – por në momentin e pranimit të një faljeje të sinqertë, shumica e njerëzve janë mirënjohës dhe shpesh vërtetë falës. Një falje e mirë mund ta kthejë kritikuesin tuaj në anën tuaj në të ardhmen.
Bëni një përpjekje të sinqertë për të ndryshuar
Shumë njerëz kërkojnë falje, por nuk e ndryshojnë sjelljen që nxiti gabimin. Vetëm ju mund të ndryshoni rrugën tuaj për të mos përsëritur të njëjtat probleme që keni shkaktuar. Ju mund të ndryshoni sjelljen për të shmangur këto gabime. Nëse dëshironi që dikush ta besojë faljen tuaj, do t’ju duhet të ndryshoni mënyrat tuaja të të vepruarit.
Ju madje mund t’ju duhet të ofroni një lloj kompensimi. Ky nuk është domosdoshmërisht financiar dhe mund të jetë aq i thjeshtë sa të kërkosh falje në të njëjtin pozicion në të cilin ka ndodhur gabimi. A keni komentuar vazhdimisht një anëtar të ekipit në një takim javor? Kërkoni falje për atë sjellje në fillim të takimit tjetër dhe ndaloni së komentuari mbi anëtarët e ekipit tuaj. Nëse ofendimi juaj ishte personal, merrni mënjanë personin që keni ofenduar, shikojeni në sy dhe kërkoni një falje pa justifikime.
Mos ndiqni turmën
Në ditët e sotme, mënyra më e mirë për t’u rikuperuar nga një gabim duket se është të mos pranosh asgjë, të mohosh gjithçka, të fajësosh njerëzit e tjerë dhe të dalësh me një narrativë alternative. Por, këto taktika janë thjesht manipuluese: qëllimi i vërtetë është t’i ktheni gabimet tek personi tjetër dhe t’i bëni ata të duken më shumë si një nxitës sesa si viktimë.
Kjo është udhëheqje toksike. Është e kundërta e sjelljes parimore, të besueshme dhe një shembull se si të krijosh një marrëdhënie. Nëse dëshironi të rindërtoni një marrëdhënie, do t’ju duhet të veproni në një mënyrë shumë më të rrallë: duke marrë përgjegjësinë për veprimet tuaja dhe duke u ndjerë rehat duke pranuar se e keni gabim.
