LIGJET E BIZNESIT
Nuk ka të ndalur rënia e euros. Edhe pas festave të nnëtorit, monedha europiane ka vijuar të dobësohet ndjeshëm, duke u këmbyer me 101.9 lekë, sipas kursit zyrtar të bankës së Shqipërisë.
Ky është niveli më i ulët që euro ka shënuar kundrejt lekut që prej 1 gushtit. Rënia e Euros vazhdon të ndikojë edhe kursin e këmbimit të valutave të tjera kryesore. Dollari Amerikan u këmbye sot me 93.32 lekë, niveli më i ulët që prej datës 2 gusht. Në një muaj, monedha amerikane është zhvlerësuar me 6.5%, ndërsa krahasuar me të njëjtën periudhë të një viti më parë rënia e kursit të dollarit ka arritur në 17.2%.
Paundi Britanik dhe Franga Zvicerane shënuan një rritje të lehtë ditën e sotme, por ngelen sidoqoftë pranë niveleve më të ulëta të katër muajve të fundit.
Sipas agjentëve të kursit të këmbimit, gjatë muajit nëntor rënia e fortë e euros është ndikuar nga një rritje e ofertës së monedhës europiane në tregun valutor. Kjo kryesisht nga eksportet e energjisë që po bën Korporata Elektroenergjetike Shqiptare, si dhe hidrocentralet privatë.
Në krahun tjetër, tregu duket se vazhdon të vuajë një shtrëngim të ofertës së lekut. Në muajin tetor, depozitat në Lekë shënuan rritjen më të lartë mujore të vitit 2023, ndërkohë që ndikim ka dhënë edhe suficiti buxhetor rekord i qeverisë shqiptare. Sipas të dhënave të Ministrisë së Financave, në fund të 10-mujorit, suficiti kishte vlerën e më shumë se 48 miliardë lekëve.
Pak kohë më parë, Banka e Shqipërisë deklaroi se euro në nivelet e 106 lekëve do të ishin normaliteti i ri i tregut të këmbimit. Por zhvillimet e javëve të fundit po sinjalizojnë një situatë të re në këmbimin e monedhave.
Nuk ka të ndalur rënia e euros. Edhe pas festave të nnëtorit, monedha europiane ka vijuar të dobësohet ndjeshëm, duke u këmbyer me 101.9 lekë, sipas kursit zyrtar të bankës së Shqipërisë.
Ky është niveli më i ulët që euro ka shënuar kundrejt lekut që prej 1 gushtit. Rënia e Euros vazhdon të ndikojë edhe kursin e këmbimit të valutave të tjera kryesore. Dollari Amerikan u këmbye sot me 93.32 lekë, niveli më i ulët që prej datës 2 gusht. Në një muaj, monedha amerikane është zhvlerësuar me 6.5%, ndërsa krahasuar me të njëjtën periudhë të një viti më parë rënia e kursit të dollarit ka arritur në 17.2%.
Paundi Britanik dhe Franga Zvicerane shënuan një rritje të lehtë ditën e sotme, por ngelen sidoqoftë pranë niveleve më të ulëta të katër muajve të fundit.
Sipas agjentëve të kursit të këmbimit, gjatë muajit nëntor rënia e fortë e euros është ndikuar nga një rritje e ofertës së monedhës europiane në tregun valutor. Kjo kryesisht nga eksportet e energjisë që po bën Korporata Elektroenergjetike Shqiptare, si dhe hidrocentralet privatë.
Në krahun tjetër, tregu duket se vazhdon të vuajë një shtrëngim të ofertës së lekut. Në muajin tetor, depozitat në Lekë shënuan rritjen më të lartë mujore të vitit 2023, ndërkohë që ndikim ka dhënë edhe suficiti buxhetor rekord i qeverisë shqiptare. Sipas të dhënave të Ministrisë së Financave, në fund të 10-mujorit, suficiti kishte vlerën e më shumë se 48 miliardë lekëve.
Pak kohë më parë, Banka e Shqipërisë deklaroi se euro në nivelet e 106 lekëve do të ishin normaliteti i ri i tregut të këmbimit. Por zhvillimet e javëve të fundit po sinjalizojnë një situatë të re në këmbimin e monedhave.
