Tursitët çojnë në nivele rekord transaksionet elektronike, shumica tërheqje nga bankomatët

Kanë kapërcyer mbi 20 milionë numri i transaksioneve bankare të kryera në formë elektronike gjatë 7 muajve të parë të këtij viti. Një nivel i lartë, i nxitur kryesisht nga numri i madh i turistëve të huaj. Sipas të dhënave të Bankës së Shqipërisë, pjesa më e madhe e këtyre transaksioneve, ose mbi 12 milionë, ishin për të tërhequr para nga bankomatet, ndërsa mbi 7.7 milionë për të paguar me anë të terminaleve elektronike.

Vlera e transaksioneve totale, si për të tërhequr para nga banka dhe për të paguar me kartë në harkun e muajve janar-korrik përllogaritet në 2.4 trilion lekë. Të dhënat tregojnë se 1.8 trilionë lekë janë para të tërhequra nga bankat dhe 1.3 trilionë pagesa me kartë.

Në këtë ecuri, më e mira e regjistruar ndonjëherë ndikim ka pasur edhe shtimi i terminaleve të pagesave në mënyrë elektronike që në fund të korrikut përllogariten në 17 mijë e 550 nga 16 mijë e 626 vitin e shkuar.

Mungesa e terminaleve për pagesa elektronike ishte një ndër shqetësimit kryesore të turistëve gjatë sezonit turistik veror këtë vit.