LIGJET E BIZNESIT
Ish pronarët nuk janë kompensuar ende për pronat e sekuestruara nga regjimi komunist. Kjo edhe pse ligji që iu hapte rrugë kompensimit financiar të tyre është në fuqi prej tetë vjetësh tashmë. Të dhënat nga Agjencia për Trajtimin e Pronave tregojnë se që nga nisja e funksionimit të saj në vitin 2016, e deri në fund të vitit të shkuar, janë dëmshpërblyer financiarisht 821 nga 26 mijë e 91 ish-pronarë përfitues.
“Kjo ndodh vetëm për një arsye. Sepse skema e miratuar e bën ish-pronarin të jetë në dorë të shtetit. Shteti i thotë, po i do shpejt paratë, merr 20% e dhe 80 % i mbaj unë”, u shpreh Myrshit Vorpsi, kryetar i Shoqatës “Pronësi me Drejtësi”.
Si afat për kompensimin e ish-pronarëve ishte lënë viti 2025, por duke qenes e procesi nuk i përmbushi objektivat ai do të shtyhet edhe me 5 vite të tjera.
“Ndonëse kanë kaluar kaq vite ne ende nuk dimë vlerën totale për të dëmshpërblyer ish-pronarët. Gjithashtu duhet të presim vendimet e Gjykatës Kushtetuese dhe asaj të Strasburgut”, shtoi Vorpsi.
Në pritje të ndryshimeve gjyqësore, të dhënat nga Agjencia për Trajtimin e Pronave tregojnë se në dy vitet e fundit nuk është kompensuar asnjë ish-pronar, ndërsa shifrat e dëmshpërblimeve rezultonin në rënie para kësaj periudhe.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
“Jemi përballë një udhëkryqi ku na ka futur ligjvënësi shqiptar që prej vitit 2015 kur miratoi edhe ligjin 133/15”, tha kreu i shoqatës.
Të dhënat nga ATP tregojnë se gjatë 2016-s, kur edhe nisi procesi u paguan më shumës e 1.8 miliardë lekë për kompensimin e ish-pronarëve. Shifra u rrit në gati 2 miliardë lekë gjatë 2017-s për të vijuar më pas trajektoren rënëse deri në vitin 2020.
