Nëse po planifikoni një udhëtim në Evropë këtë verë, por doni të kurseni para, ka disa strategji të mençura që mund të ndiqni. Së pari, synoni dy javët e fundit të gushtit për bileta ajrore, të cilat janë më të lira krahasuar me korrikun. Gjithashtu, mund të kurseni, duke konsideruar një udhëtim me anije. Udhëtimi me anije ofron një mënyrë interesante për të eksploruar shumë destinacione pa patur nevojën për fluturime shtesë.
Një mënyrë tjetër për të kursyer para gjatë udhëtimit në Evropë është të përfitoni nga sistemi i trenave. Udhëtimi me tren mund të jetë më i lirë në krahasim me fluturimin ose qiranë e një makinë, veçanërisht nëse keni një Eurail Pass. Zgjedhja e destinacioneve të lidhura me tren mund t’ju ndihmojë të shmangni fluturimet e shumta dhe koston e lartë të një makine.
Nëse ende nuk keni rezervuar akomodimin tuaj, kërkoni ofertat e fundit në hotele, apartamente ose shtëpia pushimesh me zbritje. Fleksibiliteti në lidhje me vendndodhjen dhe datat mund t’ju ndihmojë të gjeni çmime më të mira, pasi vendet me rezervime të paplotësuara ose anulime të fundit shpesh ofrojnë oferta për të mbushur akomodimet e tyre. Platformat si Booking.com dhe Airbnb gjithashtu mund të sjellin zbritje të momentit të fundit për qëndrimet.
Së fundi, konsideroni të eksploroni qytete më pak të njohura ose qytete dytësore në Evropë për kursime të kostove dhe për një përvojë unike. Këto qytete shpesh kanë çmime më të ulëta dhe janë në përpjekjet e rivitalizimit. Duke ndjekur këto strategji dhe duke qenë i hapur për përvoja të papritura, mund të kurseni para dhe të shfrytëzoni maksimumin nga udhëtimi juaj veror në Evropë./ CNN
