Zëvendësministri i Energjisë, Ilir Bejtja, i ftuar në “A2Business” me Aurora Sulçe foli mbi krizën energjetike në vend dhe për skenarët e mundshëm të qeverisë shqiptare në rast të ndonjë situate tjetër të ngjashme me atë që kaluam.
Sipas Bejtja-s, viti i kaluar na testoi se deri ku mund të shkojnë limitet e vendit sa i përket furnizimit me energji, ndërsa shtoi se tani qeveria i di limitet dhe po ecën në mënyrë pragmatike, si duke shitur energji, ashtu edhe duke depozituar, për ta pasur në rast urgjence.
“Edhe çmimi, që duket sikur po pate lekët e blen, lidhet me faktin që ka pasur më pak prodhim energjie vitin që shkoi dhe është e vërtetë që një pjesë e mirë e TEC-eve është rivënë në punë, por është përdorur gjithashtu energji fosile në mënyrë të drejtpërdrejtë.”, u shpreh ndër të tjera zv.ministri Bejtja.
Bejtja ku është fokusi në mënyrën se si po përballohet aktualisht situata energjetike në vend? Kush është skenari bazë dhe ato rezervë që ju keni në rast të ndonjë përkeqësimi të mundshëm?
Viti i kaluar na testoi se deri ku mund ti çojmë ne limitet tona të furnizimit me energji. Me ndihmën e Zotit, në dhjetor filluan shirat, dhe ne arritëm që atë pak rezervë energjie që kishim ta menaxhojmë në mënyrë efeciente. Tani ne i dimë limitet tona dhe po ecim në mënyrë pragmatike, qoftë duke shitur energji, duke depozituar energji për ta marrë nëse koha do të jetë jo e përshtatshme. Na kanë ndihmuar edhe akordet politike që ne kemi.
