LIGJET E BIZNESIT
Shqipëria është vendi më pak joshës në Ballkanin Perëndimor pas Bosnje-Hercegovinës për investitorët e huaj.
Në Indeksin Global të Mundësive 2023 vendi renditet i 67-i në listën me 124 shtete. Maqedonia e Veriut ka pozicionimin më të mirë në rajon duke u renditur në vendin e 52-të, ndjekur nga Mali i Zi dhe Serbia. Për kryetarin e Dhomës Britanike të tregtisë, Zenel Hoxha ky klasifikim i dobët, madje në rënie me një pozicion nga viti i shkuar vjen pasi investitorët e huaj po humbin besimin te institucionet në vend.
“Ka ndodhur ajo që në shumë gara, fituesit janë të paracaktuar. Ndryshe nga sa ndodh në Rajon. Kjo asfikson konkurrencën e lirë. Investitorët e huaj po shohin që po e kanë të mundur aksesin dhe ky është një problem shumë i madh”, shprehet Hoxha.
Sipas Indeksit Global të Mundësive për këtë vit, klima e biznesit në vend kërcënohet nga kuadri ligjor dhe burokracitë institucionale. “Prandaj ne kërkojmë që Shqipëria të hapet, të vërë në eficencën të gjithë legjislacionit që ekziston në letër”, shprehet Zenel Hoxha, kryetar i Dhomës Britanike të Tregtisë.
Me gjithë klimën ende të ashpër në të bërit biznes, Investimet e huaja kapën vlerën më të lartë në tri dekada vitin e shkuar.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Të dhënat nga Banka e Shqipërisë tregojnë se në 9-mujorin janar-shtator vlera e parave të investuara nga jashtë vendit arriti në 984 milionë euro, duke u rritur ndjeshëm në raport me vitet e shkuara.
